Komnir tveir mánuðir í nýju íbúðinni og allt í gúddí. Húsgögnin týndust hægt og rólega inn og endaði á því að boðið var í smá sófa- og gólfpartí. Bækurnar mínar ekki lengur á gólfinu heldur, sem er gott.  Nú er bara að flísaleggja baðið og eldhúsið og koma flyglinum inn í setustofuna (djók, íbúðin er 18 fermetrar).

Hér er svo heimilisfangið:

Toshin Phoenix 308, Shinjuku-ku Nakamachi 34-2, 162-0835 Tokyo Japan.

Þeir sem senda jólakort fá allir japanskt nýárskort í staðinn , lofa!

Nokkrar myndir úr íbúðinni og hverfinu, let´s enjoying please!

Sorrí hvað ég er búinn að vera lengi að uppfæra. Tók hrylliega langan tíma að redda netinu í nýju íbúðina.

Flutti tveimur vikum eftir að ég kom til baka frá Íslandi. Alger sirkus að redda öllu sem þurfti að redda og ekkert gert auðvelt fyrir mann. Gríðarlega feginn að þetta sé búið og lífið byrjað að rúlla nokkuð eðlilega. Líka soldið feginn að vera ekki á Íslandi.

Eggert félagi kom í heimsókn nokkrum dögum eftir að ég flutti inn og það var gott. Yenið hafði reyndar aldrei verið jafn dýrt þannig að ytri aðstæður ekki alveg þær bestu. Góð ferð samt og mikið fjör að fá fólk í heimsókn.

Nú er svo skólinn farinn í gang og skemmtileg önn framundan. Svo kemur litla sys um jólin og það er gott. Set nokkrar myndir sem ég er búinn að stela héðan og þaðan. Útilega, bjórhátíð og random dót. Lofa svo öðru bloggi fyrr en seinna.

Myndir af íbúð koma seinna!

Fór í brúðkaup hjá Röggu vinkonu og Hiroki í byrjun ágúst. Fékk að fara með í athöfnina í Meiji Jingu, Japanese style! Svo var partí daginn eftir sem stóð langt fram á nótt.

Svo fór ég heim til Ísland í ljúft þriggja vikna stopp. Borðaði pylsur, keyrði til Húsavíkur, fór í sund, tók þátt í handboltafárinu og fleira gott. Þakka öllum sem tóku þátt.

Fór svo í íslenska hlutann af brúðkaupi Röggu og Hiroki. Gaf þeim sjálfan mig í brúðkaupsgjöf, bý á gólfinu hjá þeim hér úti núna meðan ég býð eftir að flytja inn í nýju íbúðina. Orðinn ringlaður af skriffinsku og bulli. Næstum búið samt og þá kemur Eggert vinur í heimsókn. Verð vonandi kominn með húsgögn.

Rigningartímabilið búið en þrjátíu-plús tímabilið tekið við, ógeð.

Seinasti pappírinn þessa önnina alveg að klárast, gott að taka smá breik og skrifa boglogg. Kem svo heim í byrjun ágúst.

Fór á Star Wars ráðstefnu á laugardaginn með tveimur félögum, mikið fjör. Hittum fyrir Guðnýju Japana, sem komst meira að segja í blöðin. Stóð til að hitta Mark Hamill en það þurfti að borga pening til að hitta hann, þannig að við sögðum honum að fokka sér en hann heyrði það ekki. Svo var partí um kvöldið og karaókí fram á morgunn. Ekki mikið gert á sunnudaginn.

Þetta eru hausar úr The Vader Project, japanskir hönnuðir bættust í hóp þekktra hönnuða sem gerðu nýja Darth Vader hausa.

Með suð í eyrunum sit ég og skrifa endalaust. Fór á technokvöld sem vinur minn stóð fyrir í gær á litlum klúbbi í Shibuya. Hef ekki verið með svona mikið suð eftir hörðustu rokktónleika.

Sat blaðamannanámskeið allan laugardaginn , það var fjör. Notaði tækifærið og tók nýju subway línuna sem var að opna í Tokyo. Ekkert merkilegt við það nema það að Tadao Ando hannaði endastöðina.  Tók nokkar myndir.

Þetta er líkan af stöðinni, Á víst að vera eins og egg í laginu en ég skil ekki hvernig egg Ando borðar.

Þetta er út í öðrum endanum. Hér panorama mynd sem einhver gaur tók.

Svo er víst búið að taka fyrstu skóflustunguna að nýjum Tokyo turni, hryllilegt rusl í miðri borginni. Ando er að gera það líka, ekki að digga það.

Mesta miðannarstuðinu lokið í skólanum , lauk seinasta fyrirlestrinum mínum í dag og fékk svo ritgerð í fésið að honum loknum.

Flestir örugglega frétt af viðbjóðnum í Akihabara um daginn, ekkert annað í sjónvarpinu hér núna. Verið að taka viðtöl við foreldra gaursins og vinnufélaga. “ja, hann var bara svona venjulegur gaur…”. Reyna að kenna tölvuleikjum og teiknimyndum um, væri réttara að benda á aðra hluti sem eru misgóðir í Japan.

Fór annars á boxkvöld um daginn að sjá gaur úr boxgymminu mínu slást. Rotaði gaurinn í annarri lotu. Gott gymm!

Svo er það Kit Kat Mango, blowing my mind right now!

Byrjaði að rigna í Tokyo á laugardag og verður örugglega rigning í tvær vikur eða svo. Ömurlegt rigningartímabil framundan! Annars er komin tentative dagsetning á Ísland í sumar, 11.-13.ágúst og svo stopp í rúmlega tvær vikur.Hressandi!

Flutti í nýtt herbergi á stúdentagarðinum og er kominn með dúndur útsýni yfir Four Seasons hótelgarðinn sem er við hliðina. Líka betra loft og færri moskítóflugur. Gæti jafnvel grísað á að sjá ríka fólkið drekka 2000 kr. kaffibollana sína í garðinum í sumar.

Sést aðeins í hótelið efst á myndinni

Svona var maður hress áður en byrjaði að rigna

Fréttamennska í Japan er stundum soldið siðlaus. Í dag var boðið uppá sjálfsmorð í beinni, í boði Nihon Terebi. Maður getur samt ekki verið væla, ætti að hafa verið auðvelt að slökkva á sjónvarpinu.

Hú Djintá kom til Waseda í gær. Mikil öryggisgæsla í kílómetra radíus frá skólanum. Hú var víst helvíti hress og meira dipló en hallærisblaðran Jiang Zemín sem kom 1998 og gerði allt vitlaust. Var reyndar soldið spældur að sjá hvað mótmælin voru aumingjaleg. Ekkert táragas eða neitt.

Skiltin voru sum mjög góð, eins og þetta: Free Tibet in Waseda!

Heimsóknin var ekkert auglýst, af öryggisástæðum sagði skólinn. Pú á það!

Þessi lögga málaði lögguprikið sitt svo það liti út eins og geislasverð.

Var búinn að vera í þónokkurn tíma á stúdentagarðinum áður en ég tók eftir risa Soka Gakkai miðstöð við hliðina. Væri gaman að kíkja í partí einhvern tímann.

Svo er ég lengi búinn að reyna að ná mynd af kallinum sem fer reglulega með skjalbökuna sína út að labba… í rauðum skóm. Jibbí fyrir skjaldbökunni, hún er víst 12 ára.

Og þetta er sofandi leigubílstjóri, nuff said.

Skólinn byrjaði í seinustu viku, lítur bara vel út. Verður sæmilega strembin önn og nóg að lesa. Hér koma svo tvær myndir úr símanum. Hressir fánagaurar í skólanum og kennslustofan mín IPC, þar sem ég kenni.

Búinn að vera lengi skotinn í öllu sem viðkemur Showa tímabilinu í Japan. Tónlistin er þar engin undantekning. Gott band , Barbee Boys (ca.1985) og flottur gæsahúðar-saxafónn.